二級遊樂船操作人考試--成績

2018-03-29

終於到左考試日子,  我坐巴士到試場, 在巴士上我就睇下youtube溫習下燈號及旗號.  早左到試場, 我就坐在316室外的椅到溫書. 見到有人想報考試, 但就未驗眼, 所以白行, 我叫佢去電車路那間眼鏡88驗眼.

夠鐘入試場, 考生要在316室門外等叫名入試場, 職員核對完身份後會告之你考試坐號.  背包必須放在考試檯的櫃頂, 考生只可以帶計算機. 其他物品, 包括電子手錶, 都需要放在考試檯的櫃頂.

考試時間45分鐘答40題. 甲部我考了25分鐘做完, 之後再重頭睇一次, 仲有十多分鐘, 按交卷. 起身走, 心想好難答, 答完都唔肯定自己可以合格. 出了試場, 就可以去14號窗取成績, 一睇成績, PASS. 心想搞掂, 聽說乙部比較容易. 自以為無問題.

乙部入試場同甲部相同, 等叫名, 準備好就等開始. 一睇題目, 死. 連續4-5題都唔識. 原來仲難過甲部. 做完再覆題, 只剩下1分幾鐘, 心內講左幾句粗口, D試題擺明陰人.  一出試場, 又係去14號窗取成績.

今次有個海事處職員拿了我成績, 對左我身份證, 接埋張成績單俾我. 我一睇. 一額汗, PASS.  即是10個工作天後可以去取牌了.


取得成績後, 我見有十幾人在排隊. 我以為是申請取牌. 去問下人排隊做咩. 原來是重考. 差不多有一半人要重考.  (之後, 我朋友去考, 也是一半人要重考.)

二級遊樂船操作人考試 -- 預備考試

2017-12月

報左名考試後, 就要睇下點溫書.


1. 海事處的模擬考試系統. 首先試下自己能否合格.  這個系統同考試時用的是一樣. 但考試題目內容比真正的淺易.
https://www.mardep.gov.hk/hk/pub_services/demo_mock.html


2. 基本上海事處出的手冊內容是很齊全, 內裡的問題很多時會在考試出現.
https://www.mardep.gov.hk/hk/pub_services/pdf/pvoc_guide.pdf


3. 坊間有很多學校可以報讀, 我睇完一些過來人的經驗後, 報左Course88.org.  不過如果你沒有航海(如:帆船避讓規則)及基本汽車原理(如:四衝程)知識, 我建議你上完堂要多點時間溫書.


上完6堂後, 我仲有超個一個月時間先考試. 可以慢慢溫書.

忠告:  多做模擬試題雖然好似幾好,  但真實考試, 同一題目會出同不一樣的答案( 即不一樣的可能答案 給你選擇),  只有燈號及旗號可以死記.  這個可以多做幾次第一點的模擬考試. 會發現每次答案會出現次序及內容都不一樣.

二級遊樂船操作人考試 -- 報名

2017-10-11

很久之前我已經想報考2級船主大偈, 現在改了名做二級遊樂船操作人考試. 最近由於失業, 終於有時間去報名考試.

首先要研究下點報名:

1. 要驗左眼先.  去一間合資格驗二級遊樂人視力的眼鏡店(請自行Google "二級遊樂船操作人驗眼"), 請視光師驗眼及填妥這表格(費用$150左右). https://www.mardep.gov.hk/hk/forms/pdf/mo935c.pdf

2. 填妥考試申請表, 連同驗眼表格及照片去海事處交表.
https://www.mardep.gov.hk/en/forms/pdf/mo84p.pdf

3. 照片1張.

4. 身份證.

5. 費用$1255.

去到海事處報名. 要去到303室海員發證組報名處報名, 不要去錯另一邊的海事處辦公大廳.

交表時,職員會問你是否想安排本月考. 有時候會因有考生轉左考期而有空檔可報, 如果唔要本月, 就要考6個月後的考期. 我的考期是2018-03-29.  即5個月後.



查詢最快考期:
https://www.mardep.gov.hk/e_files/hk/pub_services/npvo2.html

重新開始.

這個Blog 其實是2005年開始的, 但真的很久很久無Update了. 其實最近我有好多事情想講. 所以試下再寫過.